Este sábado 28 de Agosto, celebrarase no parque de Santa Margarita, e enmarcado dentro das Festas de A Coruña, un evento electrónico gratuito que de seguro fará as delicias de tódolos que pasen estes dias pola cidade. Vense facendo dende fai uns anos, no “auditorio” construido no parque, este evento da man da xente de Fanzine, sempre contando con xente máis ou menos cercana; mais este ano téñennos preparada unha moi grata sorpresa.

Este sábado poderemos gozar, dende as 6 da tarde ata a 1 da maña de un total de 7 artistas (6 dj´s + 1 vj): Frances Lerouge, os vigueses Substano tocando o seu directo, Diego Villa, Pablo Cubeiro e Roi do Fanzine, Parasit ós mandos das visuais, e por último, un Dj madrileño, de sobra coñecido por todos, que fai un ano aproximadamente deixou un moi bo sabor de boca na comunidade, facendo un set primeiro no propio Fanzine de A Coruña e ó día seguinte no Vademecum Vigués, onde tamén cosechou moi boas críticas; pois ben, Ivan Smoka será o invitado especial desta festa electrónica, e gratuíta, das Festas de Santa Margarita.

Como xa dixemos, o evento será gratuíto, mais teredes unha barra onde poder consumir calquera refresco, cervexa ou combinado. Ademais, o propio Ivan Smoka estará esa noite no Fanzine.

Ivan Smoka - Where My House Is "Studio Mix" (07.10) by Ivan Smoka

Esperamos veros a todos este sábado.