"Aún no me he repuesto de la última noche que pasé contigo" é un dos poucos programas de electrónica que quedaba na reixa das radios nacionais, ata onte. O programa foi cancelado sen ningunha razón aparente, a única información que temos é unha nota de empresa que os propios creadores do programa redactaron.

Na nota, explícanos que recibiron unha chamada de Antonio de Hoyos dicíndolles que estaba a piques de comezar a rolda de prensa e que o programa desaparecía da reixa. Despois da citada rolda, o blog de "Aun no me he respuesto...", foi borrado inmediatamente do servidor de RTVE, sen deixar oportunidade a recuperar os contidos.

Os creadores do programa (Isabel Díaz e Pedro Blázquez), sinten moito non poder despedirse de forma digna facendo un último programa, dando as grazas a todos os radiooíntes e todas aquelas personas que colaboraron no proxecto ó longo deste tempo.

A cancelación deste programa é unha gran pérdida para a electrónica nacional, xa que seguía de referente despois da tamén coñecida cancelación do programa de Sonia Briz. Esperamos que nun tempo volvan con algún novo proxecto ou similar.