Xa está dispoñible a nova actualización para todas as versións de Traktor. Entre as novidades mais importantes hai que destacar que amplía a súa compatibilidade con maior número de controladoras e hardware. Vai ofrecer unha total integración co seu controlador (aínda sen saír ó mercado) Kontrol X1, dispón de configuración instantánea para os Pioneer CDJ-2000, CDJ-900, CDJ-400, MEP-7000 e Denon DN-HC4500.

En canto a interface vai seguir sendo a mesma, aínda que se engade un controlador na parte superior amosando a información da conexión dalgún dispositivo que esté traballando con Traktor. O asistente de configuración voi adaptado para facilitar a instalación de Audio 4 DJ e Audio 8 DJ.

A actualización xa está lista para descargar de balde para os usuarios rexistrados. Son válidas todas as versións de Traktor.