The Sound of Goodbye é unha canción de Armin van Buuren que foi sacada por primeira vez en 1998 co alcume de Perpetuous Dreamer e que acadou un gran éxito ata o dia de hoxe.

Dedico esta revisión á extinta versión de Galizaelectronica.com, que afortunadamente segue adiante con este novo e espléndido look. Pero, como ó igual que a morriña que invade a canción de Armin, os que iniciamos Galizalectronica.com non podemos evitar sentir unha certa nostalxia por aquela versión 1.0.

Volvendo a canción, coimo dicíamos arriba foi sacada no 1998 por Perpetuous Dreamer, que non era outro que Armin van Buuren, que sacou tamén con ese alcume Future Fun-Land; logo traballaría con Fuel 2 Fire co que sacaría The Sound of Goodbye, e mais adiante con Raz & Adrian & Dennis Alfarez, sempre como Perpetuous Dreamer.

No 2001 sae un novo single con mixes entre trance e house. O primeiro deles é o de Above & Beyound Club Mix (7:14 min.), que é o máis tranceiro, cun trance moi europeo. O segundo remix é o de Armin van Buren Tribal Vocal Mix (8:45 min.), cun trance máis agresivo con algúns sons tribais que lle dan un efecto especial.

No 2002 a canción e reeditada en Europa polo selo Nervous acadando o top do Billboard's Club Chart, o que amosa que esta canción é o suficientemente boa como para acadar a cima do éxito catro anos despois de saír a versión orixinal de Perpetuous Dreamer. No 2006 Armin incluíuna no recompilatorio 10 Years (track 8), na versión de Dark Matter Remix, versión que non fora editada anteriormente. A finais do 2007, e xa co nome de Armin van Buuren foi reeditada outra vez, con novos remixes e saíndo na portada o anxo típico de Armin.

Os sons de sintetizador son contaxiosos e a voz de Elles de Graaf é sinxelamente perfecta. A frase "Sometimes the sound of goodbye is louder than any drumbeat" (Ás veces, o son do adeus é máis forte que calqueira tamborrada) repítese e quédase como un eco no subconsciente, é inesquecible. Armin fixo realmente un bo traballo con esta canción, que é unha das máis coñecidas del e tamén das máis pinchadas e versionadas.

A letra da canción é extremadamente sinxela, pero á vez profunda. Vén a contarnos o que sinte alguén a quen acaban de deixar de querer "you took my love away from me" e que se sinte completamente perdida para sempre "I am lost for all eternity". Iso fai que toda cara que vexa sexa fría coma o xeo "every face I see is cold as ice" e prodúcelle un profundo dor "everything I scratch is pain".

O video oficial reflicte ese sentimento especialmente ó final cando a cantante se mergulla na auga totalmente espida, coma se fose o fin a tanta dor. Previamente temos unhas preciosas imaxes ambientadas en paisaxes dun verde impresionante, moi parecido a Galiza ou Escocia, e nel tamén aparece Armin reflectido nunha charca, coma se fora o amante perdido da protagonista do video.

VERSIÓNS:

En canto ás versións hai un montón delas, entre as que están as seguintes que comento a continuación:

- The Sound Of Goodbye Nic Chagall Drumbeat Re-Edit (8:46 min): trance en estilo puro.

- The Sound Of Goodbye Darkmatter Remix (7:18 min): trance máis cañeiro, mestura excepcional da parte musical cuns efectos perfectos; unha das versións máis uplifting trance. A parte musical é especialmente recoñecible.

- The Sound Of Goodbye Armins Tribal Feel Extended (8:46 min): como o nome indica, é feita con sons máis tribais, tira un pouco ó house e a parte vocal é máis corta. Nela usa os baixos atrevidamente, sen apenas efectos eu reverberacións, o que lle da unha vibración típica; logo vén a delicada parte coral, e así a canción está xa en camiño. Logo o uso que Armin fai do sintetizador e das cordas é típico del, dándolle o son propio de Armin.

- The Sound Of Goodbye Above And Beyond Remix (7:17 min): Drums ó comezo, ós que se lle van engadindo as distintas partes, facendo un conxunto moi elaborado. En certo modo recorda ó remix de What it Feels Like for a Girl de Madonna.

- The Sound Of Goodbye Rising Star Remix (10:47 min): engade unha voz anxelical ó principio, antes de introducirnos na canción, mesturando sons case dream con drums, e engade una ampla variedade de efectos sonoros.

- The Sound Of Goodbye Simon Shaker Remix (8:30 min): estilo house, salvo na parte cantada que recobra o son tranceiro da canción.

- The Sound Of Goodbye Robbie Rivera Remix Edit (3:46 min): tamén en estilo house.

- The Sound Of Goodbye Armins Tribal Feel Dub (8:16): sen apenas parte vocal.

- The Sound Of Goodbye Above & Beyond Us Radio Edit (3:51 min): uplifting trance en estado puro.

- The Sound Of Goodbye Above & Beyond Uk Radio Edit (3:20 min): moi parecida a anterior é a versión europea.

- The Sound Of Goodbye Robbie Rivera Dub (9:56 min): unha versión tranquila, entre house e techno.

- The Sound Of Goodbye Robbie Rivera Remix Extended (9:44 min): como a anterior, pero destacando a parte vocal.

- The Sound Of Goodbye Dijaro's Dub (7:01 min): versión moi progresiva, na que en lugar da parte vocal, oímos os ecos dela.

- The Sound Of Goodbye Armins Tribal Feel Radio Edit (3:29 min): tribal e house, versión máis tranquila.

- The Sound Of Goodbye Blank & Jones Remix (7:31): versión cos sons típicos e inconfundibles de Blank & Jones, moi boa, destacando a pureza da parte vocal, na que se oe a voz de Elles de Graaft sen distorsión.

Como "oficiais" temos dous discos de mixes, o Volume 1 (editado no 2007 polo selo de Armin) ca seguinte tracklist:

1.   The Sound Of Goodbye (Radio Edit) (3:22)
2.   The Sound Of Goodbye (Nic Chagall Drumbeat Re-Edit) (8:48)
    Remix - Nic Chagall 
3.   The Sound Of Goodbye (Dark Matter Remix) (7:20)
    Remix - Dark Matter 
4.   The Sound Of Goodbye (Armin's Tribal Feel Dub) (8:18)
    Remix - Armin van Buuren 
5.   The Sound Of Goodbye (Simon & Shaker Remix) (8:32)
    Remix - Simon & Shaker 
6.   The Sound Of Goodbye (Robbie Riviera Dub) (9:58)
    Remix - Robbie Rivera 
7.   The Sound Of Goodbye (Armin's Tribal Feel Extended) (8:50)
    Remix - Armin van Buuren 
8.   The Sound Of Goodbye (Above & Beyond UK Radio Edit) (3:20)
    Remix - Above & Beyond

E o Volume 2 (tamén editado no 2007 polo selo de Armin) que contén as seguintes:

1   The Sound Of Goodbye (Dijaro's Dub) (7:03)
    Remix - Dijaro
2   The Sound Of Goodbye (Robbie Rivera Remix Extended) (9:46)
    Remix - Robbie Rivera 
3   The Sound Of Goodbye (Robbie Rivera Remix Extended Edit) (3:48)
    Remix - Robbie Rivera 
4   The Sound Of Goodbye (Armin's Tribal Radio Edit) (3:31)
    Remix - Armin van Buuren 
5   The Sound Of Goodbye (Rising Star Remix) (10:51)
    Remix - Rising Star 
6   The Sound Of Goodbye (Above & Beyond Remix) (7:19)
    Remix - Above & Beyond 
7   The Sound Of Goodbye (Blank & Jones Remix) (7:33)
    Remix - Blank & Jones 
8   The Sound Of Goodbye (Above & Beyond US Radio Edit) (3:51)
    Remix - Above & Beyond

Aquí pódense consultar todas as edicións que se fixeron da canción.

VIDEOS:

Aparte do video oficial, pódense ver os seguintes:

- Abobe & Beyond Remix: moito máis trance uplifting, case dream, cunhas imaxes de solpores preciosas en distintos lugares paradisíacos. Versión na que é máis relevante a música que a parte vocal.

- Blank & Jones Remix: moi no estilo do dúo, respecta a parte vocal, e mestura especialmente a parte musical, engadindo os sons típicos do dúo, máis suaves e nostálxicos, aínda que sen perder a forza do trace orixinal da canción que destaca co bombo de fondo co que acaba a track.

- Indian Summer Mix, emitido no programa de A State of Trance: sigue bastante á versión orixinal, aínda que destaca máis a voz con amplias reverberacións.

- Tribal Fell Mix: como indica o título, son máis tribais.

- Versión de Simon And Shaker: moito máis house, case techno, ca voz distorsionada, e música repetitiva.

Xa en directo destacamos estas, nas que podemos ver a Elles de Graaf cantando a canción:

- Armin Only Imagine do 2008: aparece no disco 2 do DVD do concerto que tivo lugar en Utrech, onde se gravou o DVD Armin Only 2008

- en The Sand

- Concerto do 8 de xuño de 2008.

Outros videos en directo:

- Remix de Sandeer van Doorn

- Nic Chagall Drumbeat Re-edit: no Sensation White 2008 en Chile

- Armin en Cartagena (Colombia)

- Armin en Lima (Perú)

- Armin na festa da discoteca Big One en Bos Aires (Arxentina)