De súpeto e sen querelo caeu nas miñas mans o novo traballo de Gui Boratto. Un album con 11 temas nos que o artista transmitir sentimentos de nostalxia só como él sabe. A verdade e que a foto da carátula do CD é bastante suxerente, se cadra o artista quíxonos dicir algo que podería ser entendido como "as cousas boas tamén son malas" asociando ás cousas boas o paisaxe cas flores e as malas as máscaras de gas dos rapaces. Sexa como fose, o traballo de Gui Boratto neste CD é impecable. Empeza o viaxe cun tema do mesmo nome que o album Tame my breath away, un traballo cunha melodía cargada de morriña e sentimento. No segundo tema Atomic Soda deixa constancia de que tamén é capaz de facer grandes temas mais duros, cunha melodía case rozando o electro.
Todo artista que se precie ten na súa discografía algún tema light, con gran significado sentimental e neste caso é Colors, un tema con sons moi finos, unha traballada línea melódica e pausada.E de tema light pasamos a outro mais "oscuro" que é o de Opus 17 seguendo a mesma linea de sempre, baixos co toque da persoalidade de Boratto e melodías nostálxicas.
O seguinte corte para min é o mellor do CD aínda que recorda claramente a Like You, tema sacado por Boratto fai un tempo xa e remesturado polo gran Supermayer. No Turning Back é o seu nome, un tema cantado deses que se che poñel a pel de galiña.
Os tres temas seguintes: Azurra, Les Enfants e Besides seguen todos a mesma liña, con sons diferentes pero nada novo que poida aportar ó disco.
Chegamos os tres derradeiros temas do album. primeiro atopamos Ballroom que é un guiño descarado ó novo Tech-House que está de moda pero moi efectivo e contundente na pista. Logo deste Ballroom temos Eggplant, con unha linea de baixos forte e unha melodía bastante mais leda do que soe facer Boratto.Xa para pechar temos Godet, un tema moi experimental, música horizontal poderíase chamar, un traballo que non é para bailar senón para escoitar con moita atención.
Que sorte tiven de que caera nas miñas mans este album.
Compárteme!
Yahoo
Googlize this
Facebook
Meneame
Chuza
RSS feed Comentarios
