Farto de abrir o Ableton e non saber para que serve cada botón? Seguro que máis dunha vez o instalaches e te volviches tolo para dar os primeiros pasos. Instalar librerías, sintetizadores, cortar MIDIs... son cousas básicas para facer o teu primeiro tema.

Galizaelectronica quere axudarche e para iso deixámosche a primeira parte dunha guía para que os comezos da produción non sexan tan duros.

Instalación:
Para elaborar esta guía, tomamos como base o Ableton 8 pola sinxela razón de que é a ultima versión dispoñíbel e os conceptos para este programa tamén servirán para versións anteriores.
Seguramente moitos de vos non o teñades ou simplemente non tivestes a posibilidade de probalo, non vos preocupedes porque en http://www.ableton.com/downloads poderedes descargar unha demo.
A instalación é coma a de calquera programa, seleccionamos a carpeta onde queremos instalalo e seguimos as instrucións que nos dan. É importante destacar que o Ableton crea unha carpeta propia , nesa carpeta teremos que meter os proxectos que teñamos en marcha porque en outro caso non o lerá.

Conceptos básicos:
Abrimos o programa e nos atopamos cunha vista xeral. Ableton funciona con dous tipos de vista, a Arrangement e Session. O Arrangement amosa os clips (fragmentos musical como unha melodía, línea de baixos ou percusión) no eixe temporal, é dicir, a vista para editar de todas as formas posibles os clips. A vista Session é unha base de lanzamento, dende Arrangement copiaremos os clips en Session para que soen no orde que nós lle demos. Para producir teremos que estar pasando continuamente dunha vista a outra así que recomendamos utilizar a tecla tabulador para aforrar tempo.
A esquerda do programa atopamos o Navegador de arquivos, ahí atoparemos as carpetas onde están os efectos para engadir ós temas, as carpetas onde instalaremos os sintes e as nosas librerías para sacar de ahí os sons que nos interesen.
Na vista Arrangement, en cada columna dos clips atopamos un módulo. Aí poderemos modificar o volume do clip, o balance (sons que van a esquerda e dereita), se queremos escoitar ese clip únicamente (S) e se queremos grabar algún efecto coordinado a man (xa o explicaremos mais adiante).

Gardar e exportar:
De momento con estes coñecementos non temos para facer un tema pero imos a explicar de antemán como gardalos e exportalos para un futuro.
Ó gravar o tema, Ableton tamén almacena toda a información dos clips, efectos, posicións, axustes...Nós aconsellamos gardar o proxecto coa opción Recopilar todo y guardar xa que así o programa fai unha especie de pack cos detalles que enumeramos antes.
Para exportar utilizaremos a opción Exportar audio/video, antes de facer isto vamos a asegurarnos de que non hai ningunha opción marcada na barra de arriba e logo seleccionaremos na vista Session a parte do tema que queremos gravar. Feito isto dámoslle a Exportar e sairá unha ventan cunha serie de opcións, asegúrate que gardas en WAV xa que éo formato mais común para este tipo de programas.

Ata aquí o primeiro número, con isto non podemos comezar a facer un tema pero son uns coñecementos básicos que hai que ter, Ableton é un programa complexo e nós só queremos intentar guiarvos para que non vos atasquedes. Na segunda parte xa veremos como instalar librerías e sintes para que elaboredes os vosos primeiros sons.